أكد أحمد عيد عبد الملك، رضاه عن تجربته رفقة غزل المحلة، بعد ساعات من تقديم استقالته وقبولها من قبل مسؤولي النادي، إثر الهزيمة الساحقة أمام الزمالك بأربعة أهداف نظيفة، ضمن منافسات الجولة الرابعة من عمر دوري نايل لموسمه الجاري 2024-2025.

وكتب أحمد عيد عبد الملك عبر حسابه على «فيسبوك»: «الحمد لله اشتغلت كمدير فني من 2019، بعد ما اعتزلت كلاعب في نفس الموسم، بداية من نادي جولدي ونجوم المستقبل والشمس وبني عبيد والنجوم ولاڤيبنا، وأخيرا غزل المحلة بالترتيب كده».

أحمد عيد عبد الملك يعلق على قبول استقالته

وأضاف عبد الملك: «أولاً الحمد لله مفيش مرة خرجت من التجربة مكنتش راضي عن نفسي وشغلي وتعبي ومجهودي مع الفريق اللي بديله 100%، مع جهازي المعاون اللي مساعدني كل واحد في دوره طبعا ومخلصين لأعلى درجة، والحمد لله سايبين في كل مكان اشتغلنا فيه بصمة، وحتى لو في اختلاف في وجهات النظر مع البعض بيبقى الخروج من المكان بكل احترام».

وتابع لاعب الزمالك ومنتخب مصر الأسبق: «ثانيًا اللي طلعت بيه من كل ده في 5 سنين إن التواصل مع لاعيبتي اللي دربتهم ممكن يوصل لـ90%؜ أن مكانش 100% وكمان اللي مكانوش بيلعبوا بشكل أساسي أو اللي مبيلعبوش خالص معايا في المباريات دول يمكن أكتر الناس اللي عندي تواصل معاهم، بالإضافة للمسؤولين في كل الأندية بتجمعني بيهم علاقة طيبة».

موقف أحمد عيد عبد الملك بعد مغادرة غزل المحلة

واختتم عبد الملك: «دي حاجة والله بفتخر بيها جداً في شغلي وبتسببلي سعادة كبيرة جداً أكتر من أي حاجة تانية أني أفضل متواصل مع الكل والحب والسيرة الطيبة دايماً موجودة بينا، وشكراً لأي حد بيدعمنا وبيقول في حقنا كلام كويس وحاسس بتعبنا، استراحة محاربين، ولنا عودة قريباً جداً إن شاء الله».