يعقد نادي غزل المحلة مؤتمرا صحفيا، في الواحدة ظهر اليوم الاثنين، لتقديم الجهاز الفني الجديد للفريق بقيادة شوقي غريب.

ومن المقرر أن ينظم نادي غزل المحلة، المؤتمر الصحفي، في قاعة المؤتمرات الصحفية باستاد غزل المحلة، في تمام الساعة الواحدة ظهرا.

شوقي غريب يخلف أحمد عيد

وأعلن مجلس إدارة نادي غزل المحلة، تعين شوقي غريب مديرا فنيا للفريق، خلفا للمدرب أحمد عيد عبد الملك، الذي تقدم باستقالته عقب الخسارة أمام الزمالك برباعية نظيفة في بطولة الدوري الممتاز.

ويحتل غزل المحلة المركز الـ13 في جدول ترتيب الدوري المصري برصيد 4 نقاط، جمعها من فوز وتعادل وهزيميتن حتى الآن.

تعليق أحمد عيد عبد الملك بعد قبول استقالته

كتب أحمد عيد عبد الملك عبر حسابه على «فيسبوك»: «الحمد لله اشتغلت كمدير فني من 2019، بعد ما اعتزلت كلاعب في نفس الموسم، بداية من نادي جولدي ونجوم المستقبل والشمس وبني عبيد والنجوم ولاڤيبنا، وأخيرا غزل المحلة بالترتيب كده».

وأضاف عبد الملك: «أولاً الحمد لله مفيش مرة خرجت من التجربة مكنتش راضي عن نفسي وشغلي وتعبي ومجهودي مع الفريق اللي بديله 100%، مع جهازي المعاون اللي مساعدني كل واحد في دوره طبعا ومخلصين لأعلى درجة، والحمد لله سايبين في كل مكان اشتغلنا فيه بصمة، وحتى لو في اختلاف في وجهات النظر مع البعض بيبقى الخروج من المكان بكل احترام».

وتابع : «ثانيًا اللي طلعت بيه من كل ده في 5 سنين إن التواصل مع لاعيبتي اللي دربتهم ممكن يوصل لـ90%؜ أن مكانش 100% وكمان اللي مكانوش بيلعبوا بشكل أساسي أو اللي مبيلعبوش خالص معايا في المباريات دول يمكن أكتر الناس اللي عندي تواصل معاهم، بالإضافة للمسؤولين في كل الأندية بتجمعني بيهم علاقة طيبة».

واختتم عبد الملك: «دي حاجة والله بفتخر بيها جداً في شغلي وبتسببلي سعادة كبيرة جداً أكتر من أي حاجة تانية أني أفضل متواصل مع الكل والحب والسيرة الطيبة دايماً موجودة بينا، وشكراً لأي حد بيدعمنا وبيقول في حقنا كلام كويس وحاسس بتعبنا، استراحة محاربين، ولنا عودة قريباً جداً إن شاء الله».